ORANJESTAD (AAN): El a cumpra su ticket pa e wega di Zodiac, y claramente a bira contento ora el a nota cu su numbernan y e signo a sali!
Pesey mes, Diahuebs siman pasa Emilio a acudi na oficina di Lotto na Playa pa asina reclama su premio. El a presenta su ticket na e funcionarionan laborando, cu mesora a check si el a pone su firma na e banda patras, y despues a scan e barcode.
E computer di Lotto mesora a confirma cu Emilio a gana 12.500 Florin cu e wega di Zodiac anochi.
Asina a cuminza cu e proceso pa transferi su premio electronicamente pa su cuenta di banco. Emilio a indica cu e ticket ganador el a cumpra na Lucky Trailer.
