ORANJESTAD (AAN): Tabata Diabierna anochi cu e sorteo di Lotto di Dia a produci un ganador di e jackpot di 57 mil Florin.
E numbernan cu a sali tabata 05, 08, 19, 21, y 26.
Dialuna mainta mes, Elsa a presenta na oficina di Lotto na Playa pa reclama su premio. Como cu el a pone su firma y su numbernan di banco na e parti patras di e ticket, a scan e barcode. Inmediatament e computer di Lotto a confirma cu Elsa a gana e premio di 57.000 Florin cu tabata e jackpot di Lotto di Dia.
Despues di esey mesora a cuminza cu e proceso pa transferi e premio electronicamente pa su cuenta di banco.
Elsa a indica cu e ticket ganador el a cumpra na Mama Trida Lottery.
