ORANJESTAD (AAN): Cu gran tristesa, ELMAR ta confirma un sucedido tragico cu a tuma luga diamars mainta, envolviendo un di nan contratistanan cu añanan di experiencia.
Durante trabou di mantencion rutinario pa corta mata riba area publico cu ta stroba nan liñanan di luz di caya, un contratista lamentablemente a fayece.
Den e momentonan aki, e causa di fatalidad no a wordo confirma pa autoridad ainda. ELMAR ta realisando un investigacion, y alabes colaborando cu autoridadnan local pa identifica e circumstancianan rond di e accidente aki.
Regularmente, ta contrata companianan pa snoei mata cu ta pone un riesgo inmediato pa e infrastructura. Esaki ta trabounan necesario pa siguransa y confiabilidad di e grid.
Patrick Thode tabata un contratista balioso, cumpliendo mas cu un decada eherciendo e tipo di trabounan aki pa ELMAR.
"Nos pensamento ta cu e famia, amigonan, y coleganan di e fayecido durante e tempo dificil aki. Gerencia di ELMAR ta extende nos mas profundo condolencia y forsa na e famia".
