Elmar a regala alumnonan di Colegio EPI un toolbox special

ORANJESTAD (AAN): NV Elmar ta sostene e siguiente generacion di tecnico cu donacion di toolbox na Colegio EPI. 

Nan a haci esaki, door di regala un toolbox na tur studiante di prome aña den e programa di Elektrotechniek na Colegio EPI.

   Cada studiante a ricibi un toolbox cu hermentnan esencial pa su educacion y training practico, cu lo yudanan durante nan estudio y futuro como profesional. Cu e contribucion aki, Elmar su meta ta pa profundisa y enrikese e experiencia educativo di e studiantenan, dunando nan e ekipo necesario pa desaroya nan abilidadnan.

   A ser splica cu Elmar ta mantene un relacion largo cu Colegio EPI, brindando oportunidadnan pa studiantenan di Elektrotechniek como stagiaire pa gana experiencia real y un bista den e industria di energia na Aruba. E colaboracion aki ta crea un brug entre educacion y empleo, impulsando e desaroyo profesional di e talentonan hoben di Aruba.

   Studiante, director y staff di Colegio EPI a expresa nan gratitud pa e apoyo continuo di Elmar, enfocando riba e impacto positivo cu e contribucion y oportunidadnan aki tin riba e desaroyo di e studiantenan.