ORANJESTAD (AAN): Hopi comentario mes DIARIO a ricibi e siman aki, di automobilistanan coriendo riba Green Corridor y cu a keda agradablemente sorprendi, con bunita e rotonde na e cruzada di Balashi a keda.
Specialmente anochi, e combinacion di luznan aki cu tabata ilumina e matanan cu color di bandera di Aruba, y cu den centro e bandera di Aruba, a produci un contraste asina fenomenal cu hopi hende a tuma un pausa chikito na e rotonde, djis pa saca potret di dje.
E iluminacion ta basta bon tambe, y esey alavez ta garantiza cu e imagennan captura ta sali skerpi y yen di detaye.
“Esaki ta e rotonde di mas bunita di Aruba,” un ciudadano a comenta na DIARIO. El a bisa cu e rotonde aki ilumina pa cortesia di WEB Aruba NV, lo por sirbi como ehemplo pa otro rotondenan di Aruba.
