ORANJESTAD (AAN): Despues di dos aña sin cu por a organisa e evento exitoso aki,
un biaha mas Oficina di Turismo a tene e di 4 edicion di e 'Vow Renewal Ceremony', cual ta e evento di mas grandi den su indole den Caribe.
El a tuma lugar durante e sunset di dia 11 di Augustus na Eagle Beach. Pa esaki esnan interesa, tanto local como pafo di Aruba, mester a registra via e website di Oficina di Turismo.
Hopi pareha bisti na blanco a yega Eagle Beach pa disfruta di e tremendo ceremonia aki na Aruba den ambiente di steel pan. Por conta cu parehanan cu ta casa algun aña y otronan cu hopi aña casa, incluyendo parehanan cu mas di 50 aña casa.
Nan a bolbe bisa 'Yes, I do" rondona di lama blauw y riba e inigualabel santo blanco di Aruba!.
E evento aki a trece cobertura pa Aruba, particularmente den e segmento di romance, un segmento cu ta ricibi hopi atencion di A.T.A. y socionan den mercado.
https://diario.aw/ar/categories/noticia/general/e-di-4-edicion-di-vow-renewal-ceremony-tabata-un-exito-un-biaha-mas#sigProIdbcd80ac937