ORANJESTAD (AAN): E aña aki ta bay ta di tres biaha cu Good Samaritan Christian Center ta organiza un ‘Christmas Village’ y durante un conferencia di prensa Pastoor Frank Daal a splica cu e biaha aki ta bay tin tres evento den 1.
“Diasabra awor nos ta bay cuminza cu un Musical, Opera, Drama y Gala Dinner Night, unda cu e cantante di Opera Victoria Griffith di Trinidad & Tobago ta bay duna un presentacion.
Otro siman 1 di December nos ta bay tin un Christmas Expo By Kids, unda cu muchanan lo presenta algo di Pasco pa otro muchanan, segun Daal.
El a splica cu dia 2 di December lo tuma lugar e Christmas Village mes, unda cu ta bay tin un seccion general y un seccion di VIP.
“Nos ta bibando den un tempo dificil y nos ta sinti cu nos tin cu preserva e mensahe berdadero di Pasco”.
Pues Christmas Village su meta ta pa trece e berdadero mensahe di Pasco dilanti y nos tur sa cu e tin di haber cu nacemento di e salvador di henter mundo.
Esey ta hopi importante, sino e Pasco ta bay bira un Pasco di ayaca y paranda, segun Daal.
