ORANJESTAD (AAN): Agradecido pa tur nan añanan di servicio y dedicacion brinda na Land Aruba,
siman pasa DVG Aruba a despedi di Charles Kock y Maricela Giel, kendenan a acepta y bay cu VUT.
Di parti Management Team y tur coleganan di DVG especialmente esnan di GKMB y Epidemiologie, nan ta desea Charles y Maricela un dushi VUT sigui pa nan pensioen bon mereci.
Hefe di Departamento, Luis Chong di GKMB tambe a expresa su satisfaccion pa e bon trabao cu a wordo presenta, y cu tur esaki a contribui pa Aruba ta un isla mas safe y sigur pa salud publico di tur hende.
Tanto Charles Kock y tambe Maricela Giel a ricibi un cariño di aprecio di nan hefe- y demas coleganan. Pesey mes nan a ricibi e mensahe cu nan trabao den servicio di Gobierno ta uno cu a wordo aprecia inmensamente.
