ORANJESTAD (AAN): Directie Natuur en Milieu (DNM) conhuntamente cu Ministerio di Transporte, Integridad, Naturalesa y Asuntonan di Adulto mayor (MINTINO) ta haci un yamada riba stakeholdernan y organisacionnan,
cu ta envolvi den e trayecto di peticion y desaroyo di terreno, pa duna nan aporte. Adhunto e organisacionnan concerni por haya e QR-code cu por scan pa yega na e formulario cu preguntanan necesario cu por yuda duna informacion cu ta den fase di un concepto.
E documento pa cu maneho di ‘Ontheffing beschermde inheemse Flora en Fauna’ ta den fase di ‘draft’. Ta concepiando e maneho y den e fase aki ta desea e colaboracion y aporte di organisacionnan y stakeholdernan.
Den transcurso di siman pasa a cuminsa manda e formulario hunto cu e documento concepia pa duna direccion na companianan y departamentonan cu DNM ta haya importante pa duna nan aporte. Nos a constata cu ta dificil pa haya informacion actualisa di e manera con por drenta den contact cu e stakeholdernan. Nos a ricibi hopi email cu a bolbe bek di companianan cu por ta no ta activo mas of a cambia nan direccion. Nos ta haci un apelacion pa aporta. Si bo tin un compania cu a entrega peticion na DIP pa desaroya y a yega di desaroya tereno den pasado, bo ‘feedback’ ta di importancia pa e final di e documento di maneho aki.
Adhunto ta comparti e QR code cu un lista di pregunta y tambe nos ta pidi pa habri e pagina web www.publico.aw y busca bou di tab maneho e ‘icon’ MINTINO, primi riba dje y busca e documento Draft- ontheffingsbeleid beschermde inheemse flora y fauna. E lista di pregunta por tuma ongeveer 5-7 minuut pa duna bo aporte.
E link pa yega na e preguntanan ta e siguiente: https://forms.office.com/r/Nf0crWTB2V
DNM ta spera cu conhuntamente nos por yega na e direccion responsabel pa un maneho di ‘Ontheffing’ cu ta keda na bienestar di nos flora y fauna protegi y pa asina Aruba y su habitantenan actual y di futuro por biba den harmonia cu naturalesa. Asina comparti cu e futuro generacion un naturalesa y medio ambiente den bon condicion.
Pa cualkier pregunta of asistencia por email DNM na عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته..
