ORANJESTAD (AAN) – Señora Vicky Arens, director di Cas di Cultura, tambe a hiba palabra durante e conferencia di prensa relaciona cu e evento “One Healthy Day Aruba”, cu lo tuma lugar Diadomingo 20 di Maart awo, na unda Cas di Cultura tambe lo forma parti di dje.
Arens a expresa cu e ta hopi contento y honra di por ta e sede di e prome “One Healthy Day” na Aruba. El a expresa cu arte y expresion ta sigur parti di salud mental, y e aspecto fisico sigur no por keda atras.
E ta contento cu Cas di Cultura lo ta anfitrion di un lista impresionante di tent cu ta bay tin mañan, unda ademas lo tin diferente tayer di trabao, di mas of menos 20 minuut cada un.
Pa algun di nan mester inscribi pasobra nan ta un tiki mas exclusivo, pero por mira e lista riba onehealthydaaruba.com. Aki por aya e lista di cursonan cu lo wordo brinda Diadomingo, anto por tuma nota pa cual mester registra.
Vicky Arens ta invita henter pueblo pa bin informa bo mes con bo por ta fit di mente y di curpa, pa un Aruba saludable.
