ORANJESTAD (AAN): Un di e weganan di mas popular di Lotto ta sigui di ta Zodiac.
Aki bo ta escoge un number consistiendo di cuatro cifra, y bo ta agrega un signo zodiacal. Y ya bo ta den wega.
Esey ta loke Diego a haci tambe, y a keda feliz pa mira cu su numbernan a sali.
Pesey mes riba Diahuebs el a presenta na oficina di Lotto na Playa, unda el a mustra nan su ticket. Na e parti patras di e ticket e tin poni su firma, y tambe informacion di su number di cuenta di banco.
Mesora a scan e barcode di e Ticket, y e computer a confirma cu Diego a gana e suma di 15.050 Florin cu wega di Zodiac.
Despues di esey a pasa pa e proceso pa transferi e premio electronicamente pa su cuenta di banco.
Diego a indica cu e ticket ganador el a cumpra na Cura Cabay Lottery.
