ORANJESTAD (AAN): Diasabra awor lo tin Santo Rosario y Santo Sacrificio di misa na Alto Vista y na Blue Army Center na San Nicolas su Centro Curason di Maria
Diasabra mainta ta cuminsa resa Santo Rosario pa 6:15 am. E ora pa 7:00 am lo tin Santo Sacrificio di Misa ta cuminsa na Blue Army Center y Kapel di Alto Vista.
Tur hende ta invita pa atende misanan na Alto Vista y Blue Army Center na San Nic. Mainta prome cu solo sali ya hendenan ta percura pa cuminsa e dia cu oracion.
Aki tin algun obranan pa nos por logra den cuaresma, haci empeño pa penetencianan.
Pa den temporada di Cuaresma:
Obranan di misericordia corporal: (*) Duna esnan cu hamber, di come. (*) Duna nan cu tin sed, di bebe. (*) Bisti esnan cu ta sunu, di bisti. (*) Duna peregrino, un luga sigur, (*) Bishita enfermonan. (*) Bishita prisoneronan. (*) Dera defuntonan.
Obranan di misericordia Spiritual: (*) Coregi bo ekibocacionnan. (*) Siña esnan cu no ta comprende. (*) Conseha esnan cu tin mester. (*) Consola esnan cu ta tristo. (*) Soporta defectonan cu pasenshi. (*) Pordona esnan cu a ofendebo. (*) Resa pa bibo y pa defuntonan.
Papa Francisco, Obispo Luis Secco, tur sacerdote, Diacono y laiconan cu ta hiba e bon noticia pa e pueblo di Dios. Pa nos Gobernantenan y tur cu ta carga responsabilidad pa nos pais Aruba. Pa enfermonan den exterior cu a bay busca nan salud.
Cu pronto lo regresa Aruba pa gosa di un bon salud dentro di su famia.
Pa esnan cu por hinca rudia. Hinca rudia busca refugio na nos Mama Celestial. E ta guia nos riba e Caminda cu Dios ta. Cu Mama Maria den nos curason. Ta den tempo di cuaresma, purba sacrifica un poco, come menos, bebe mas awa. nos Mama stima, compaña nos den e caminda di Señor. Ban hunto resa pa nos hogar y nos isla Aruba y henter mundo, pa tin pas y comprencion pa otro.
