ORANJESAD (AAN): Esaki ta e prome Diasabra di luna! Esey nifica cu Diasabra 7 di mei 2022 pa 7 or di mainta tin Santa Misa na Kapel di Alto Vista.
Tambe lo tin den Kapel di Cas Curason di Maria na San Nicolas. (Blue Army Center).
Prome cu Santo Misa ta resa Santo Rosario pa 6.15 “Misterio Gososo”, despues ta sigui cu Salve Regina.Ta invita henter e pueblo, deboto y fielnan pa asisti na e Santa Rosario prome cu misa., E ta ntersede pa nos na nos Tata Celestial. Tur fielnan di Mama Maria ta bin resa e Santo Rosario pa bienestar di henter comunidad di Aruba. Tur dia nos Papa Francisco ta haci un suplica na mundo henter pa resa e Santo Rosario.
Ban haci un curashi diasabra mainta trempan pa ofrece nos ora y asisti na Santa Misa y resa pa tur esnan cu ta leu di iglesia. Laga nos ta resa pa necesidad di Iglesia Universal, pa Papa Francisco, Obispo Luis Secco, tur sacerdote, Diacono y laiconan cu ta hiba e bon noticia pa e pueblo di Dios. Pa nos Gobernantenan y tur cu ta carga responsabilidad pa nos pais Aruba. Pa enfermonan den exterior cu a bay busca nan salud. Pronto lo regresa na Aruba pa sigui gosa di un bon salud.
Cordial saludo di:
Comision di Alto Vista ta consisti di coordinador Mario Werleman (593-7048), y Pastoor Huancho Pilongo (585-8378).
