Tambe na Kapel di Cas Curason di Maria na San Nicolas
ORANJESTAD (AAN): Diasabra 4 september 2021 pa 7 or di mainta Santa Misa na Kapel di Alto Vista y den Kapel di Cas Curason di Maria na San Nicolaas. (Blue Army Center).
Prome cu Santo Eucarestia ta resa Santo Rosario pa 6.15 “Misterio Gososo”, despues ta sigui cu Salve Regina.
Ta invita tur hende, deboto y fielnan di nos pais pa asisti diasabra trempan pa gosa di e dia pa gradici Dios pa tur bondad cu nos ta ricibi. Si no ta asina nos ta resa pa pidi y sclama Mama Maria pa intercede pa nos na nos Tata Celestial. Diasabra ta recorda na lugar di diadomingo, iglesia ta celebra fiesta Santa Madre Teresa di Calcuta. Un Soeur cu a dedica su bida pa cuida esnan desampara den cayanan di Calcuta na India.
Na 1948, Papa Pio X y e Orden di Santa Maria a manda Soeur Teresa pa bay traha y cuida hendenan pober sin cas den cayanan di Calcuta. Teresa a studia pa nurse pa yuda enfermonan. A habri un school pa muchanan di mas pober di Calcuta. Mama Teresa a bisti mescos cu e muher pobernan di India un sari di catuna y sandalia, no ta bisti e habito religioso manera e Soeurnan di Orden Loreto.
Na 1950 Soeur Teresa cuminsa cu e Orden di “Misionero di Caridad”, hopi mucha muher di tur parti di mundo a sigui e bunita bida di Caridad nan ta sirbi esnan di mas vunerabel den mundo for di cayanan di India te den cayanan di New York.
Durante su vida largo Teresa a traha mei mei di pobernan, e a ricibi numeroso honornan. Uno ta e Premio Nobel di Paz cu e a ricibi den 1979. Den 2003 seis aña despues di su morto Papa Huan Pablo 11 a a declara Madre Teresa beata. 4 di september 2016 Papa Francisco a canoniza Mama Teresa.
Tur fielnan di Mama Maria ta bin resa e Santo Rosario pa bienestar di henter comunidad di Aruba. Casi tur dia nos Papa Francisco ta haci un suplica pa resa e Santo Rosario den e tempo aki cu malesanan ta invadi nos. Humanidad ta bira mas conciente cu nos mester di oracion. Laga nos resa pa tur nurse cu ta traha den hogarnan y den casnan di Sosiego, especialmente esnan cu ta traha den hospital, tur nurse y dokternan ta haci nan empeña pa salba bida di pacientnan. Nan ta mira e ansha y sufrimento y tristesa di e muribundo.
Pa tur cu no a bay tuma e vacuna, pa nan realisa cu ta pa nan mes bon, pa cu nan famia. Ban haci un curashi diasabra mainta trempan pa ofrece nos ora y asisti na Santa Eucaristia y resa pa tur esnan cu ta leu di iglesia. Laga nos ta resa pa necesidad di Iglesia Universal, pa Papa Francisco, Obispo Luis Secco, tur sacerdote, Diacono y laiconan.
Pa nos Gobernantenan y tur cu ta carga responsabilidad pa nos pais Aruba. Pa enfermonan den exterior cu a bay busca nan salud. Pronto lo ta na Aruba y gosa di un bon salud.
