ORANJESTAD (AAN): Minister di Turismo y Salud, Dangui Oduber a duna di conoce diasabra cu ta den pleno ehecucion di e asina yama 'exit strategy' y den esaki locual ta algo importante ta cu recuperando turismo bek.
Diasabbra, aeropuerto di Aruba a ricibi 30 vuelo for di Merca y mas di 4000 turista. "Nos ta bayendo bek den bon direccion. Un diasabra yena cu energia positivo. Turismo ta nos forza. Nos ta optimista cu nos ta bolbiendo bek na normalidad.", Minister Oduber a expresa riba su rednan social.
Por a ripara tambe cu e restaurantnan tabata basta yen y tabata tin hopi turista emociona di ta na Aruba y di por a presencia un dushi bahada di solo.
