ORANJESTAD (AAN): El a escoge su numbernan bon! Diana a cumpra ticket pa Zodiac, escogiendo number di cuatro cifra, y agrega un signo zodiacal. Y anochi el a nota cu el a bira un ganador!
Pesey riba Dialuna el a acudi na oficina di Lotto na Playa pa reclama su premio. Aki mesora e empleadonan a check si el a pone su firma tras di e ticket, y a scan e barcode. E computer di Lotto inmediatamente a indica cu Diana a gana 50.000 Florin cu e wega di Zodiac Anochi.
Despues di esey mesora a start cu e proceso pa transferi electronicamente e premio pa su cuenta di banco. Diana a indica cu e ticket ganador a wordo cumpra na Get Rich Dakota.
