Diadomingo tin final di certamen Princess-, Little y Pre Teen Beauty Aruba 2022

ORANJESTAD (AAN): Riba e escenario di Cas di Cultura, fundacion Cas Princesa Aruba ta tene su certamen final pa aña 2022.

   Despues di un programa extenso y educativo e ultimo 2 lunannan, Cas Princesa Aruba ta orguyoso y ta invita Aruba pa presencia e di 10 edicion di Princess Beauty,  Little Beauty y Pre Teen Beauty 2022.

   E programa cu tawatin anochi di talento, scavengers hunt na Ayo Rock formations y anochi di regalo y amistad, tabata masha dushi pa e participantenan.

E candidatanan di e aña aki ta categoria Princess Beauty Carly- Yenne Maduro, R-Angelle Sneek, Adriana de los Santos Lantigua y Leyni Boekhoudt.

   Categoria Little Beauty Thaheeli Geerman y Elise Heronimo. Pre Teen Beauty  tin 4 candidata cu ta Maya Gordon, Mia Mc Collum, Sharily Boekhoudt y Qiana  Felomina.

   E fecha ta diadomingo 6 di november 2022 y e luga ta Cas di Cultura. MC ta Addonsito Croes.