ORANJESTAD (AAN) “Grupo Rumannan den Oracion” – Beato José Gregorio Hernández di Dakota, ta desea di invita pueblo di Dakota y Aruba en general pa un “bake sale” combina cu bendemento di cuminda y cu un bar (sin alcohol) bon surti.
Tambe lo bay tin articulonan religioso y hopi mas cos pa bende.
Esaki lo tuma luga riba diadomingo 18 di juli 2021, na cas di Oracion di “Beato José Gregorio Hernández”, situa na Caya Appeldam 8, cu ta keda net patras di Pius X school, di 11 or di mainta pa 3 or di atardi.
E evenemento aki ta pa gradici pa e Beatificacion di Beato José Gregorio Hernández y pa recauda fondo pa reapertura di e cas di oracion ya menciona.
Sperando cu por conta riba cooperacion di devotonan, pueblo di Dios, habitante- y parokianonan di Dakota y pueblo di Aruba en general, cual lo wordo hopi aprecia.
Bini uno, bini tur y pasa un rato agradabel. Ta pidi pa tur esnan cu lo ta pensa di bishita e Cas di Oracion di Beato José Gregorio Hernández di Dakota, pa uza tapaboca (mondkapje) y pa ora di yega corda uza “sanitizer” y pa tene distancia social manera pidi pa DVG.
