ORANJESTAD (AAN): Universidad di Aruba den colaboracion cu gobierno di Aruba y IPA ta invita na e Seminario di Genero y
Educacion dia 4 di Maart di 5PM pa 7 PM pa celebra el proximo Dia Internacional di Hende Muher, dia 8 di Maart 2022.
E titulo di e seminario ta e avance di e educacion di hende muher na Aruba. Calidad di e educacion y igualdad di genero.
Rector di Universidad di Aruba, Viola Heutger lo habri e seminario y Prome Minister Wever-Croes lo duna un bista riba e diferente role y responsabilidadnan di hende muher den e sociedad.
Otro exponentenan lo destaca e posicion di hende muher for di diferente perspectiva y un vision general di e historia di e participacion di hende muher den e sociedad arubiano. E directora di e oficina regional di United Nations Women (Nacionnan Uni) pa Caribe lo elabora riba e vision di nan programanan.
E politica di genero di Aruba lo wordo presenta pa e presidente di e Comite Directivo di Genero di Aruba y lo sigui sesionnan di mesa rondo pa discuti e plan di accion di e politica di genero. Despues di e debatenan, e miembronan di publico lo comparti nan experiencia y conocimentonan, cu lo wordo debati den un foro.
Esaki y e eventonan proximo ta y lo ta parti di e proyecto nacional di genero cu ta wordo coordina pa Dr. Paula Kibbelaar di IPA, cu e apoyo di Rector di Universidad di Aruba y prome ministro di Aruba.
E eventonan benidero lo conduci na un publicacion riba Genero, educacion y maternidad na Aruba den 2024.
Lo tin un cocktail chikito den e patio di Universidad pa celebra Dia Internacional di Hende Muher.
