ORANJESTAD (AAN): Riba e prome Diabierna di luna di Februari, lo tin un misa special na Pro-Cathedral San Francisco na Oranjestad.
Pastor Stanislao ta extende un invitacion na tur deboto y Pueblo di Aruba en general. Esey ta pa asisti riba Diabierna 2 di Februari 2024 na un Santo Sacrificio di misa, cu ta pa 7:00 pm.
Esaki ta pa celebra e Fiesta di Virgen de los Remedios (Candelaria) y Hesus den Tempel.
Parokianonan ta bon bini pa e celebracion special aki, y alavez asina ta start Februari cu hopi fe y debocion.
