Diabierna a laga gran parti di Aruba inunda

ORANJESTAD (AAN): Mainta e yobidanan pisa tabata concentra na parti Noordwest di Aruba. 

Atardi esaki a cambia pa Zuidwest di Aruba, y a laga cayanan inunda.  Dado momento trafico a pega mahos riba WVB Boulevard. 

A mira cu dam di Sero Patrishi a yena e area eybanda cu basta awa.  Un ruta cu normalmente ta dura 8 minuut di coremento, riba Diabierna a dura hasta 35 minuut. 

Anochi esnan cu a yega parkinglot pa bay cas, a bin topa cu plasnan di awa hasta mes halto cu nan rudia. 

E atmosfera ta keda humedo, y awe tambe lo por haya awacero kizas acompaña pa lamper y strena.