WILLEMSTAD: Polis na Curaçao un biaha mas ta pidi cooperacion di publico pa yuda localisa un dama hoben perdi desde 16 Juli 2023.
Magiella Mathilda tin 16 aña di edad y ta naci na Hulanda. Riba e Diadomingo 16 di Juli ey, e hoben cu ta biba na JJIC na Kaya Brudernan di Dongen, tabata cu vakantie na su cas den fin di siman den area di Koral Specht. Den e weekend ey e hoben a bandona cas y no a regresa.
Magiella tin e siguiente descripcion: E tin estatura di 1.66 meter cu postura delega. Su cara ta oval, y cabey ta krul maron, color di cuero ta maron, y color di wowo ta maron scur.
E tin un tattoo di barbulet grandi na su pia drechi. Polis di Curaçao ta corda tur persona, cu cualkier persona cu keda tene scondi un persona cu ta worde busca pa autoridadnan, esey ta un acto castigabel tambe.
