ORANJESTAD (AAN): Siman pasa Ministerio di Asuntonan di Adulto Mayor a reuni cu Cas Marie unda e fundacion a presenta nan ambicionnan pa 2024.
Cas Marie ta un centro di encuentro pa persona cu demencia y nan famia. Tambe nan ta yuda concientisa comunidad general ariba e señalnan di Alzheimers.
Aña pasa den september e directiva a presenta plan di expansion di nan servicio pa 2024 y awo e plannan ta den proceso di ehecucion. Un di plannan pa e aña aki ta pa amplia e dianan di servicio y habri un localidad nobo.
Tambe a menciona nan deseonan pa construi un hardin como parti di nan terapie. Minister Arends ta contento di tende esaki y a compromete pa colabora pa Cas Marie su hardin bira un realidad.
