Relaciona cu e añanan di castigo pa abuso sexual di mucha
ORANJESTAD (AAN): Manera ta conoci, Gobierno di Aruba a decreta luna di April como Luna Nacional di Conscientisacion Contra Abuso di Mucha, cu e meta pa comparti informacionnan relevante, y crea conscientisacion riba e topico importante aki.
Prome Minister Evelyn Wever-Croes a expresa, cu ta importante pa remarca cu ainda tin hopi hende ta cuestiona e maneho di gobierno pa loke ta castigo, en conexion cu abuso sexual di menor. E mandatario a splica cu na inicio di gobernacion di Gabinete Wever-Croes, Gobierno a bin ta traha constantemente riba diferente ley y procedura pa percura cu e castigo p'e abusado ta bira mas severo.
Na aña 2020, Gobierno a logra na hisa e castigo pa esnan cu ta comete a acto aki, te na e maximo cu e por wordo hisa den Reino. Ta asina leu cu si tin un morto pa motibo di un abuso, e castigo lo ta di 24 aña. Pero mirando e severidad di e problema aki, Gobierno ta trahando pa huesnan por hisa e castigo aki aun mas.
Pa Prome Minister e topico aki, ta y lo keda uno importante, y pa e motibo aki a compromete su mes pa sigui traha hunto cu e profesionalnan den e veld, pa logra combati abuso contra nos muchanan.
