No bira victima! --- ORANJESTAD (AAN): Cuerpo Policial kier a avisa tur hende tocante lo siguiente.
Tin diferente keho ta drentando na diferente departamento di recherche door di personanan cu ta wordo acerca via messenger of WhatsApp y nan ta bay den un conversacion poco intimo cu nan.
E ta bay asina leu pa convence nan ‘victima’ pa mustra nan parti intimo of te hasta manda video (filma) di nan partinan intimo.
Tambe nan por traha video mientras cu nan ta papiando via video call. Esaki ta caminda cu e ‘victima’ no tin control di kico ta wordo filma.
Tin momentonan cu e cara di e ‘victima’ tambe ta aparece. E otro partido e ora ey ta uza e portret of video pa cuminsa ‘blackmail’ e victimanan.
Via e mesun social media ta cuminsa pidi placa y sino cumpli cu e peticion ta pone e videonan intimo riba internet pa tur hende mira.
Ta pidi na e personanan (victima) cu a cay den trampa caba pa no tin berguensa y bin dilanti. Por acudi na e departamento di recherche di nan respectivo districto y haci e denuncia.
