ORANJESTAD (AAN): E deadline cu a wordo introduci pa pago di prome mitar di 2022 pa plachi di number tabata acercando.
Riba Diahuebs mes por a mira hopi hende para den rij na diferente MFA pa haci e pago aki, como cu e fecha di 31 Januari 2022 tabata acercando.
Debi cu no por haci pago directo na edificio di Belfin na DIMP na Camacuri, ta hopi hende a para Diahuebs den rij na otro lugarnan. DIMP mes tabata sugeri pa haci pago mas facil via sistema Online di Banco.
Diripiente e Data-Blackout cu a socede Diabierna madruga cu wayanan di Fiber Optic a empeora e prognostico, y tabata bisto e ora cu lo no por bay cumpli cu e deadline mas di 31 di Januari 2022.
Mientras tanto, Departamento di DIMP a informa cu nan ta prolonga e fecha di deadline pa pago di prome mitar di 2022.
E deadline nobo a bira Diabierna 4 di Februari 2022.
