Errol de Freitas, Presidente di SNBA:
ORANJESTAD (AAN) – Presidente di San Nicolas Business Association, Errol de Freitas, den entrevista cu Matutino DIARIO, a bisa cu den SNBA su vision, nan tin desmantelacion di un parti masha grandi di e refineria, di por lo menos, cerca di 1.7 pa 1.8 miyon of 2 miyon di meter cuadra.
“Pero nos ta preocupa cu 1.7 miyon meter cuadra, cu mester ta terenonan fiho pa loke ta e desaroyo di mineralnan riba subsuelo. Pasobra nos no por ta cuminza ranca, hisa, benta y cu nos sa cu 93% di e seguridad eynan con nos ta bay deal cu ne. Pero nos ta bisa cu nos a ‘skim the surface’. Nan ta papiando di data center, y tin yen di combersacion ta going on”, De Freitas a señala.
De Freitas a reitera cu dos siman pasa SNBA a manda un carta pa pidi audiencia cu RdA, y posiblemente e board, y e ta spera cu esaki tuma lugar pasobra nan ta miembro di e Asociacion, y ta suppose di nan ta un compania open door.
“Pero di e desaroyonan ey nos tin cu wak un poco, pa duna pueblo mas informacion di esey”, de Freitas a bisa, agregando cu desmantelacion di un parti grandi di e refineria ta importante, pero mester cuida e parti cu ta trece ingreso grandi pa Aruba.
