Oficina Central di Estadistica (CBS)
ORANJESTAD (AAN): Den e ultimo aña cu a pasa 47.3% di productonan den e canasta di consumo di e CPI a conoce un aumento di prijs causando un efecto di 2.78 ppt, mientras cu 42.4% ta mustra un caida di prijs, cu a contribui cu un efecto di -2.16 ppt y pa e restante 10.3% no tawata tin cambio den prijs. E indicenan di “Bienes” (0.5%) y “Servicionan” (0.7%) a registra subidanan, causando un efecto di respectivamente, 0.32 y 0.30 ppt riba e CPI.
E canasta di consumo di e CPI ta consisti di 408 bienes y servicionan. Compara cu Mei 2025, 42.2% di e bienes y servicionan aki a conoce un aumento di prijs causando un efecto di 0.68 ppt, mientras cu 41.7% ta mustra un caida di prijs, cu a contribui cu un efecto di -0.85 ppt y pa e restante 16.2% no tawata tin cambio den prijs.
Compara cu Mei 2025, prijsnan di bienes (-0.1%) y serviconan (-0.3%) a conoce caidanan y a causa un efecto di respectivamente, -0.05 y -0.12 ppt riba e CPI di Juni 2025.
-Indice di Prijs di Consumo
Den e ultimo diesdos (12) lunanan, e CPI a subi cu 0.6%, unda nuebe (9) di e diesdos (12) sectornan a registra subida di prijs. E subidanan cu tawata tin e mayor efecto riba e CPI a wordo registra pa e sectornan di “Mobilario” (4.4%), “Restaurant y hotel” (3.8%), “Vivienda” (0.7%), “Comunicacion” (1.6%) y “Cuminda y bebida no-alcoholico” (0.8%) y causando un efecto di respectivamente, 0.37, 0.19, 0.17, 0.14 y 0.09 ppt. E subidanan den e sectornan restante a contribui cu un efecto di 0.21 ppt riba e CPI di Juni 2024- Juni 2025.
