ORANJESTAD (AAN): Durante ultimo dos simannan Defensa a duna dos curso. Banda di e personal propio, Militarnan di Curaçao,
tambe diferente socio di seguridad a participa, entre otro personal di KPC, VKC, Brantwer y Ambulans. Diabierna e 30 cursistanan a ricibi nan certificado, entrega pa Minister di Husticia Shalten Hato y Comandante di Kazerne di Marina Mayor Steven Baan.
E dos cursonan titula “Collegiaal Netwerk” (ret Colegial) y “Mentaal Fit” (Mentalmente den Forma) ta di gran importancia den cuadro di promove salu mental y resiliensia di profesionalnan cu frecuentemente ta confronta cu situacionnan desafiante y cu potencial traumatico.
` E meta di e “Collegiaal Netwerk” ta pa incrementa debate tocante salud mental y realisa un evaluacion di antemano di posibel problemanan mental despues di experiencia eventonan potencialmente impactante. Esaki tin como obhetivo brinda apoyo accesibel na coleganan cu ta encontra nan mes den tal situacionnan debi na nan trabao.
E curso di entrenamento “Mentaal Fit” ta proporciona participantenan cu hermentnan practico pa mantene nan resiliensia mental bou di circumstancianan di hopi presion. E training aki ta surgi di necesidadnan di socionan cu experticionan igual na Curaçao, cu diariamente ta keda confronta cu diferente situacion di reto dentro di diferente dominio di seguridad.
E trainingnan a tuma luga na Kazerne di Marina na Suffisant y a keda ricibi cu entusiasmo pa e participantenan. Mirando e impacto y necesidad Defensa ta boga pa ofrece cursonan cu frecuencia, manera lo ta di spera, dos biaha pa aña.
Dunamento di cursonan na diferente socio di seguridad ta aporta na sosten di e desaroyo profesional cu e meta di mehora seguridad den Region Caribe Hulandes.
