ORANJESTAD (AAN): Departamento di Defensa di Caribe ta lansa un serie riba YouTube cu ta duna un bista exclusivo tras di cortina di Formacion Militar Inicial (EMV).
Den “E Caminda pa Militar di Caribe,” cu ta sigui reclutanan durante nan entrenamento intensivo pa bira militarnan Caribense.
E episodionan ta mustra con e cursistanan fisicamente y mentalmente ta wordo prepara pa un carera den Ministerio di Defensa. For di e prome dia na Kazerne te na e ehercicio final, e serie ta revela kico realmente ta necesario pa bira un soldad di Caribe.
Esaki ta e prome serie cu ta sigui e entrenamento di Curso pa Militarnan di Caribe asina di cerca. Cu e serie aki, Ministerio di Defensa tin como meta pa mustra kico entrenamento pa soldatnan di Caribe ta encera y tambe pa inspira hobennan pa nan mes dal e paso den direccion di un carera militar.
E prome episodio ta sali diahuebs 16 di oktober pa 10:00 a.m. riba e canal di YouTube di Marina Real di Hulanda. Despues lo lansa un episodio nobo tur diaranson durante nuebe siman.
Militarnan di Caribe
Militarnan di Caribe (CARMIL), dividi den Militar Arubano (ARUMIL) y Militar di Corsou (CURMIL), ta dos unidad operacional bou di mando di unidadnan di Comandante di Marina den Region Caribe. E dos unidadnan di Infanteria leve di tamaño di compania aki ta completamente desplegabel den di e tres tareanan principal di Defensa den Region Como ambtenaar di e paisnan di Aruba y Corsou, nan ta wordo incorpora na CZMCARIB.
