Dande a bishita Colegio San Antonio riba prome dia di scol e aña aki

ORANJESTAD (AAN): Riba Diaranson cu tabata e prome dia di scol pa docente y alumnonan di Colegio San Antonio MAVO na Santa Cruz, nan a ricibi bendicion di Dande cu a canta tur hende e mihor deseo pa e aña nobo.

   Mas bunita ainda ta di menciona cu e dandenan a wordo canta pa e ganadornan di Festival di Dande di e temporada aki.

   Por a mira cu hasta docentenan a goza di esaki, y tabata cantando hunto cu e muchanan.  E Dande a yega riba un trailer cu a ser presenta pa Go Cultura Foundation, cu a haci esaki posibel! Bunita iniciativa cu esnan di e scol ta spera cu lo keda manteni.

   Directorado di Scol a percura pa e alumnonan a haya un treat dushi di Aña Nobo tambe.