ORANJESTAD (AAN): Ta conoci awendia e numero creciente di cancer di cuero, pipita na cara y mancha, di cual dermatologonan no ta cansa di adverti y conseha cu nos mester ser cauteloso y proteha lo maximo nos cuero y di nos famia.
Segun expertonan, e consecuencianan grave cu nos epidermis ta sufri, debi na nos mal comportamiento, no ta instantaneo sino cu nan ta aparece despues di 10 pa 15 aña y ademas e agresionnan ta acumulativo y ta crece cu tempo y tardi of mas tempran nos ta sufri di intolerancia solar, alergia, eritemas y foto envehecimiento, etc.
Mas hoben un cutis ta, mayor ta su grado di riesgo y por lo tanto nos mester presta mas atencion na mucha y adolescente, cu especial atencion na muchanan chiquito menos di tres aña cu ta mas vulnerable, ya cu nan sistema inmunologico y nan mecanismo termoregulador no ta ainda bon consolida. Tambe nos mester tene na cuenta e sensibilidad di e cuero y e tambe e cutis, ya cu e tipo di cuero aki tin menor capacidad pa produci melanina di forma natural y mester compensa e carencia cu e proteccion cosmetica artificial.
Di tur forma, nos no mester lubida cu cualquier tipo di cuero mester di un filtro solar, cual factor di proteccion (SPF) ta bay den consonancia cu e tipo di cuero. Y awendia nos tin na nos alcance un gran gama di suntan lotion y sunscreen resistente na awa, sodo y e tera cu ta preveni conta e reaccionnan alergica solar y cu combinando filtronan fisico y quimico, ta protega e rayonan ultravioleta UVA, UVB.
Reglanan pa cumpli cune: Ata algun reglanan basico pa bo cumpli cune, y reduci peligronan asocia cu demasiado solo.
(*) Muchanan menos di tres aña no mester ser exponi den solo.
(*) Bañonan solar mester ser dosifica den forma progresivo.
(*) E suntan lotion cu un factor halto di proteccion mester worde aplica 20 pa 30 minuut promer cu bo bay den solo.
(*) E minimo filtro cu nos por uza den un suntan lotion ta di 15 SPF. E diferencia entre un factor di proteccion di 15 SPF y otro di 90 SPF ta solamente di 10%.
(*) Cada mey ora mester renoba e aplicacion di e protector y principalmente semper despues di a caba di baña den pool of den lama.
(*) E peor ora pa tuma solo ta merdia, for di 11'or di mainta te cu 4'or di atardi trata di no no expone den solo.
(*) Ademas di e protectornan solar (Sunscreen), uza tambe brilnan di solo, franelnan fresco, y un sombre.
(*) Pa compensa e deshidratacion ocasiona pa e calor mediante sodo, nos mester bebe awa of juice na abundancia y principalmente percura pa e muchanan hacie. Evita di bebe refresco cu por tin cafeina.
(*) Bay un dermatologo pa cualquier quemadura, mancha of cambio di cuero y pa cualquier forma di lunar. Hopi cancernan di cuero tin solucion si bo consulta na tempo.
