Mike mester a sconde ora cambio di Gobierno na 2017 y Reino a rementa su bom - *Historia di autonomia di Aruba reparti den temporada prome y despues di suceso - *Kende a cubri e gastonan di ambulance, asistencia medico y paralisis economico?
ORANJESTAD (AAN) — Na 2017 Mike Eman a anuncia cu e ta retira for di politica y hasta como lider di su partido. Mike a bay y a laga atras un Aruba cu a sigui cana den un situacion sumamente dificil.
Mike tabata sa kico su herencia tabata contene y cu for di 2014, historia di Aruba lo a wordo reparti den dos temporada cu ta e tempo prome cu Hulanda a exigi su persona bandona Fort Zoutman y e resultado cu e mester a sinta na mesa cu Hulanda pa asina autonomia di Aruba yega na su fin.
Aruba nunca a haya oportunidad pa realisa kico a sconde tras di e incidente den Fort Zoutman ni kico henter e show a costa Aruba, cu Mike a bolbe ciega politicamente cu entrada di e proyecto di Nicolas Maduro, cu a bira e fracaso di Citgo.
Loke a pasa realmente na 2014 tabata, cu Reino Hulandes a interveni ora bienestar di Aruba tabata na peliger. Mike tabata conduci Aruba na caminda di un bancarota di e pais, manera e imagen di awe ta indica.
E grafico ta mustra cu na 2014 Aruba a conoce un situacion financiero di gravedad similar na e situacion cu a presenta na 2020 cu Covid-19, cu excepcion di e hecho cu na 2020 Aruba mester a cera su economia pa medio di turismo completamente.
Na 2014, Por mira claramente con e situacion financiero di Aruba tabata cay na un forma horibel y con Aruba tabata sink riba tereno financiero.
Na 2014 Mike Eman a duna prueba cu e no merece confiansa di e Arubiano cu el a perhudica y asina mes a pone paga pa su show den Fort Zoutman cu ta un acto historico y ta uno di e motibonan cu Mike mester a bay sconde na 2017.
Si Mike no a desaparece na 2017, e lo mester a drenta Parlamento.
Na 2017 Mike a pidi Pueblo 15 asiento. Pakico? Di e forma Mike por a sigui haci y deshaci pero tambe e tabata tin den su man e forma pa manipula Pueblo manera e kier.
No mester lubida cu na 2016, ora el a trece Citgo y a habri Refineria di Aruba, tambe el a tene e berdadnan di loke awe ta den man di Ministerio Publico, scondi pa Aruba.
Mike a bay contra tur Ley na 2016, pa tene Acuerdo di Citgo secreto pa Aruba dor di no permiti otro partidonan tuma nota manera Ley ta exigi di e documentonan cu el a firma contra ley cu Nicolas Maduro.
Pues ora Mike a perde eleccion y un gobierno nobo a sinta, Mike no por a sigui sconde berdad pa Pueblo. E rapport di “Bo Aruba” cu Benny Sevinger a sconde den su lachi, a bira publico na Aruba cu a tuma nota con Mike a abusa di placa di Aruba.
Aruba a comprende cu el a perde su autonomia for di 2014 ora Hulanda a bini cu supervision pa evita cu Mike lo a hiba Aruba na bancarota.
Mike Eman tabata sa, cu si e no tabata den Gobierno e berdad di Citgo lo a bini dilanti manera a pasa pasobra e no por a sigui manipula cu e berdad cu el a tene scondi den su relacionnan cu Citgo y loke tabata pasa na Refineria di Aruba.
Awe rapportnan ta demostra kico a pasa cu Aruba na man di Gobierno Mike Eman, cu na 2017 a bandona e barco y bay sconde pa den Parlamento e desaster cu el a construi, no rementa den su man.
Kico Mike Eman a haci cu Aruba sigur ta wordo ilustra dor di e scenario na Fort Zoutman, caminda placa di Aruba a paga pa ambulance, a paga pa remedi pa medio di AZV, a destrui e bida normal di Aruba cu a paralisa y asina negoshinan a perde placa.
Un show barata cu a pone Reino y mundo hari Mike a presenta den Fort Zoutman pa despues entrega su mes y Aruba na boluntad di Reino.
Si Mike a drenta Parlamento na 2017 of sikiera a keda visibel na Aruba, e lo tabata den problema di acepta cu el a destrui e pais autonomo Aruba!
