ORANJESTAD (AAN): E wega di Zodiac ta facil pa hunga, djis escoge un number di cuatro cifra, y agrega un signo zodiacal.
E por ta mas facil ainda, si bo djis pidi e rebendedor pa un ticket loco. E ora e mashin ta genera un number riba su mes pa bo.
Esey ta loke Susana a haci, y a bira feliz anochi pa mira cu su numbernan a sali.
Pesey riba Diamars el a acudi na oficina di Lotto na Playa pa reclama su premio. Aki nan a revisa su ticket y ora di scan esaki, e computer a confirma cu Susana a gana 25.000 Florin cu Zodiac.
Mesora a sigui cu e proceso pa transferi e premio electronicamente pa su cuenta di banco. Susana a indica cu e ticket ganador el a cumpra na Sheba Lottery.
