Cu hopi ambiente Prinses Amalia School a celebra dia di Himno y Bandera

ORANJESTAD (AAN): Muchanan a bay scol cu nan bicicleta di lo mihor decora!  Algun a yena nan bicicleta cu blaas, cu sticker, cu bandera, y nan mes cu animo riba cara, a core rond.

   Di e forma ey, Prinses Amalia School a celebra dia di Himno y Bandera cu un bunita parada di bais. Riba e mainta aki, tur mucha a presenta cu nan bais y bunita bisti cu nan t-Shirt di Aruba.

   Algun hoben a yega cu nan Inline Skates tambe, y a core rond ta demostra nan habilidad riba e deporte cu ta bin bek na moda.  Tambe tin cu a bin cu nan Razer Scooters, y otronan cu Skateboard.

   Den un  tremendo ambiente cu musica y guia di Polis, e muchanan por a disfruta di nan parada di bais alegre.