Minister Glenbert Croes a remarca:
ORANJESTAD (AAN): ORANJESTAD (AAN): Recientemente tabata tin un encuentro cu Cuerpo Consular caminda a cera acuerdonan relaciona cu e maneho di permiso.
Relaciona cu esaki, Minister Glenbert Croes den entrevista exclusivo cu DIARIO a indica cu a yega na un acuerdo di cooperacion unda kier pa e consuladonan yuda e comunidad stranhero bibando na Aruba cu mester atende cu cualkier tema di DIMAS of DPL, bay pa conseho y pa nan permiso wordo tramita door di un consulado.
E mandatario a agrega cu e consuladonan lo tin un funcionario cu lo haya un training na DIMAS. Nan lo haya acceso na e sistema, mescos cu e tramitadornan.
Kier laga e comunidad bay na su consulado unda nan lo wordo yuda y asesora. No door di un tramitador.
Minister Croes a indica cu tin hopi tramitador na Aruba di buena conducta, pero tambe hopi cu ta abusa di e ciudadanonan. Esey ta algo cu kier elimina, a enfatisa.
