BARRANQUILLA: Autoridadnan Anti-Narcotica di Polis Metropolitano di Barranquilla a logra confisca durante investigacion na e Waf local,
un cargamento di cocaina cu tabata cla pa wordo manda via barco rumbo Antwerpen, Belgica.
E droga aki tabata den un container y ta un cacho anti-droga a haya e holor y alerta autoridad di presencia di droga. Un total di 408 kilo di cocaina tabata scondi mey-mey di latanan di palo.
Dos siman pasa nan a captura un cargamento di 874 kilo cocaina scondi mey-mey di boternan di un bebida di aloe, cu tabata cla pa sali rumbo pa Spaña.
