ORANJESTAD (AAN): Durante un conferencia di prensa convoca recien na San Nicolas, a toca honor na Alex Geerman pa anuncia un fenomenal concierto cu nan tin prepara pa e weekend di Dia di Mama.
Geerman papiando na nomber di Neighba Restaurant na San Nicolas, a splica cu riba Diasabra dia 11 di Mei 2024 lo bay tin un evento special pa e weekend di Dia di Mama.
E gran orkesta Doble R SSS lo ta na Aruba pa un espectaculo musical yena cu musica cu tur hende semper a gusta di e legendario grupo aki procedente di Curaçao.
Di awor caba, Geerman a splica cu cada Diadomingo na Neighba Restaurant nan lo escoge ‘un mama’, cu lo bira un candidata pa asina e anochi di 11 di Mei 2024, nan participa pa asina haya chens di wordo nombra como ‘Mama di Aña 2024’.
Lo tin varios sorpresa y premio tambe pa Dia di Mama na e evento aki di 11 di Mei 2024 cu lo tuma lugar na Neighba Restaurant. Geerman a indica cu ya caba tickets ta obtenibel pa e espectaculo di fiesta aki cu Mamanan lo bay goza di dje.
