Competencia internacional di ‘Aruba Gymnastics Classic Meet 2025’ a cuminza

ORANJESTAD (AAN): Riba Diahuebs a tuma lugar den Centro Deportivo Betico Croes na Santa Cruz,

e ceremonia oficial di apertura di e 1er edicion di un evento prestigioso cu ta uni mas di 200 atleta di Aruba, Curaçao, Panama, Costa Rica, Merca y Colombia, esta ‘Aruba Gymnastics Classic Meet 2025’.

   Ministro Gerlien Croes tabata presente pa asina mira e momento cu a marca un momento historico pa gimnasia na Aruba y celebrando e espirito deportivo internacional.

   Ministro Gerlien a logra combersa y elogia e gran motor tras di esaki cu ta Federacion Gimnastico Arubano (FGA).  Nan a competi di Prenivel A, B, y Nivelnan 1 pa 8, segun e normanan di programa di USAG 2022-2026.  Por mira Ministro hunto cu señora Bagheri.

   Exito na tur atleta compitiendo durante di e “Aruba Gymnastics Classic Meet 2025”.