Como 1.100 participante a bay offroad pa Goldmine Run & Walk 2026

ORANJESTAD (AAN): Diadomingo mainta trempan a tuma lugar e di siete evento di ‘Goldmine Run & Walk 2026’, cu a start na Bushiribana. 

Hopi hende gusta e actividad aki, pasobra e ta dunabo chens di mira algun subida di solo mas bunita na Aruba, y fuera ta cana of core exactamente unda solo ta sali asina cerca di lama.

   E evento organiza pa e prestigioso Patrishi Sports Aruba, tabata habri pa mucha-, pa hoben- y adultonan.  E evento a consisti di un 5K Run & Walk, un 3K Youth Run, hunto cu tur 4 Kids Runs riba 1.5, tambe 0.8, cu 0.4, y 0.2 km a varios grupo di edad.

   E actividad a sold-out siman pasa, y un total di 1.100 participante tabatey mainta trempan pa cana y core den oranan di mainta.  Esaki ta casi 47% mas hopi participante compara cu aña pasa.

   Na final algo cu tur hende a gusta, ta e ‘Finisher Medal’ cu pa hopi ta wordo considera como un collectors item.  E ta hopi grandi, y riba dje tin yen di detaye inspira pa e historia di mina di oro, y a wordo crea pa asina tur hende cu a yega final ta sinti nan mes aun mas special.