AZV cu algun tip importante:
ORANJESTAD (AAN): Segun organo di AZV, e ta zona kisas un meta dificil. Sinembargo, e ta posibel pa come saludabel hasta durante e dianan di fiesta. Si bo meta ta pa keda den bon condicion y come saludabel; e ta nifica cu mester haci e bon escogencianan hasta durante e dianan di fiesta. Pues e luna aki lo nos duna algun tips pa yuda bo pa come saludabel durante e temporada di mas dushi di aña…luna di december.
- Scoge consciente kico bo kier come. Si tin un variacion grandi di cuminda, scoge prome loke bo ta gusta y despues loke bo kier purba pa 1e biaha. Of si esey ta hopi dificil, tuma un tiki di tur cos en bes di hopi den un solo biaha. E por resulta cu tiki di cada cos mes ta suficiente pa bo. Adicionalmente e ta nifica cu bo ta laga suficiente pa otro hende.
- Moderacion. Haci uzo di un tayo mas chikito of pidi pa esaki si bo a bay un comemento. Esaki ta yuda bo mente “pensa” cu e tayo ta yen.
- Scoge pa awa en bes di refresco of alcohol. Sinembargo, si bo ta haya cu ta duro pa bebe awa so, percura pa traha un palabracion cu bo mes. Por ehempel di e cantidad di refresco of alcohol cu bo ta bay bebe. No laga nada ni ningun hende influencia bo. Despues di cada glas di refresco of alcohol bo bebe un glas di awa. Awa ta yuda baha e “di mas” di refresco of alcohol.
- Si ta un comemento na bo cas, percura pa despues di e comemento piki tur cuminda y warda. No laga tur cos riba mesa y evita di cay den tentacion pa keda “piki piki” di cada cos.
- Si ta un comemento pafo di cas y ta wordo ofreci pa hiba un doggy bag. Pensa bon prome, kisas e cuminda ey no tin mester paso ya bo mes tin bo cuminda of palabracion pa bay otro comemento.
- Prepara cuminda uzando berdura fresco manera ciboyo, knoflook y diferente yerba.
- Pa opcionnan mas saludabel, opta pa mayonnaise light of siña traha bo propio dressing por ehempel cu juice di lamunchi, vinager y of yerbanan manera cilantro, thijm of basilico.
8- Si bo ta bay prepara carni, scoge pa esun cu menos vet of kita tur vet.
