ORANJESTAD (AAN): Un persona jong na curason, assistant bar supervisor, Jacintho Marianus Christiaans, recientemente a retira for di Hilton Aruba Caribbean Resort & Casino.
El a worde presenta cu un bouquet di flor, un carta di aprecio y un regalito na un evento chikito na Mira Solo bar, den presencia di su estimado casa Filomena, su dos yiu muhe, Glenn Farro, Director di recurso humano, y Vasco Baselli, General Manager.
Jacintho Christiaans mihor conoci como ‘Chin’, a traha pa e resort pa 32 aña largo. Durante su tempo akinan el a mira diferente cambio y biba diferente reto cual semper el a sobrepasa, na mes momento supera tur espectativa di e bishitantenan di e resort, kende sigur lo haya falta di su skills social y di mix drinks.
Tanto Glenn Farro y Vasco Baselli a gradici nan miembro di team retira, deseando e tur cos bon den su aventura nobo bayendo pa pensioen pa un descanso bon mereci, hobbies y den compania di su famia.
Baselli a papia na nomber di henter e team: ‘Mi kier expresa mi sincero gratitud pa e trabao duro y profesionalismo cu bo a demostra e ultimo 32 aña na nos estimado hotel,” el a bisa. “Bo compromiso y dedicacion semper tabata un inspiracion pa bo coleganan, supervisors y managers, kende sigur lo haya falta di traha cu bo.
Abo ta representa loke semper a defini e resort aki, e hospital berdadero y caluroso di su empleadonan y miembronan di team. Awor cu bo ta bay inicia un capitulo nobo den bo bida, nos ta duna bo pabien, y desea di extende un masha danki for di curason, pa un bon trabao haci.”
Riba e potret aki por mira e bunita evento cu a tuma luga cu bebida y pasaboca na Hilton bisando nan ex-bartender ayo.
