ORANJESTAD (AAN): Recientemente Aruba tabata presenta na e 11th Steering Committee Meeting.
Director di Crisis Management Office Aruba (CMO) a participa na e di 11 encuentro di e Steering Committee organiza pa RAC/Rempeitc-Caribe (Regional Activity Center, Regional Marine Pollution Emergency, Information and Training Center Caribe) na Curacao.
Durante e encuentro aki a trata entre otro e resumen di actividadnan di e periodo juni 2022 y mei 2024. Tambe e status di proyectonan y cursonan. Y a elabora riba sostenibilidad di RAC/Rempeitc-Caribe.
A atende e situacion di Consultants di IMO (International Maritime Organization), e enfoke riba e proposicion pa cu e desaroyo de un plan strategico pa e periodo di 2025 pa 2030, y e actualisacion di programa regional presenta pa e asociadonan.
Tambe a papia riba proposicion di programa di actividadnan pa e periodo di 2024 pa 2026, e eleccion di autoridadnan, y e asunto di comunicacion entre isla/paisnan.
E encuentro aki tabata uno necesario mirando e menazanan continuo cu tin den e region Caribense. Segun a keda palabra, na mey-mey di luna di Juli venidero, e agenda lo ta disponibel.
