Via di Super Food Plaza Cares Program
ORANJESTAD (AAN): Recientemente Super Food Plaza Cares Program a haci entrega di un check na valor di 25.000 Florin na Fundacion Muchila Creativo. E check a ser entrega pa vers manager di Super Food Plaza, Sr. Peter Veen y a keda ricibi pa e directora Señora Rose-Marie Provence hunto cu algun cliente di e fundacion.
Fundacion Muchila Creativo y Super Food Plaza Cares Program ta gradici e clientenan di Super Food inmensamente pa nan donacion. Muchila Creativo ta existi caba pa casi 19 aña y a desaroya su mes den un scol pa hobennan special (autismo, down syndrome y mas) entre edad di 15 pa 25 aña. E fundacion aki no ta ricibi sosten di gobierno, pero ta un alternativa importante pa ora muchanan special caba scol Duna un Man. E scol aki ta sigui prepara e hobennan pa por traha den comunidad despues.
Por medio di arte, e hobennan special ta siña desaroya nan conocemento, habilidadnan y actitud. Nan ta siña mehora nan comunicacion, expresion, soluciona problema y haya mas confianza den nan mes pa por tuma un trabao despues den comunidad.
Bo tambe por yuda nos comunidad cu un donacion chikito. Clientenan cu haci un donacion di Afl. 1.75 of mas por participa den e campaña di Give & Win di e Super Food Plaza Cares Program.
E ganadornan di luna di februari a resulta Mirla Tromp (Gift card Afl. 1.000), Lisbeth Montero (Gift card Afl. 750), Shareen Tromp (Gift card Afl. 500), Henna van der Kuyp (Gift card Afl. 250), y Thirza Aue (Gift card Afl. 100).
Pa participa den e campaña aki, simplemente haci un donacion di Afl. 1.75 of mas na cualkier caha di Super Food Plaza y deposita bo recibo original cu nomber y number di telefoon ariba dje den e tombola. Tur prome dia di luna ta saca 5 feliz ganador. Premionan ta patrocina pa Super Food y tur donacion ricibi ta bay back pa 100% na comunidad. Fondonan di SFPCP ta ser maneha pa CEDE Aruba.
