Chevereee Harley Group a goza di Jorge Celedon y Wilfrido Vargas

Speedworld cu boso amigo Hubert The Furai Tiel, awe den un forma diferente, ya cu lo n obay tin potret di sea auto of brommer di careda.

   Pero debi cu ta trata di e fabuloso Mundo di Speed, Speedworld ta trece dilanti con nos amigo- y amiganan di Chevereee Harley Group a bay goza di un anochi di concierto.

   Nan ta un grupo jolly, constantemente alegre, y ta sigui cu nan lema di goza di bida.   Chevereee Harley Group sa organiza hopi get-together y actividad social pa nan miembronan.

   Ora cu nan a tende cu Jorge Celedon y tambe Wilfrido Vargas ta bin duna concierto na Aruba, mesora nan a core busca dos mesa den Gold VIP pa asina bay disfruta.

   Chevereee Group a indica cu nan a goza un mundo sintando na Mesa 6 y tambe Mesa 7.  Nan a indica cu gozando di tur musica inolvidable, nan a goza un mundo di e anochi di concierto.

   Aunke Jorge Celedon tabata cantando su gran exitonan riba stage, e grupo aki sinta na mesa ta combersa di e ultimo avance di Harley, y plan pa e siguiente Rides rond di e isla.  Esey ta sigur algo cu bo no por kita di esnan cu ta amante di Motorsport.