Crisis Team Leider, Sharline Koolman:
ORANJESTAD (AAN): Un dato cu a wordo treci dilanti durante e conferencia di prensa di Crisis Team ta cu cerca esnan riba 65 aña, e 'booster' a yuda mas c'un hende cu a haya Covid pa evita cu e ta fayece, asina Sharline Koolman di Departamento di Salud (DVG), remarca. Esaki ta conforme estudionan haci na entre otro Merca.
El a agrega cu esnan bao di 65 aña, e 'booster' ta duna menos proteccion, pero no pa esnan riba 65 aña. Pesey ta importante pa e grupo riba 60 aña haya nan 'booster-shot' mas lihe cu ta posibel.
E tasa di hospitalisacion bao di e grandinan (60 plussers) ta 10%, si bo no ta vacuna. Y 2.5% si bo ta vacuna cu e prome serie di vacuna y bao di 1% si e persona a haya e 'booster-shot'.
E datonan ta mustra cu entre miho un persona ta vacuna, miho pa esnan riba 60 aña, Koolman a indica.
Cerca esnan cu ta fayece ta evalua e edad di e persona, si e tabata tin un otro malesa cronico of no.
El a remarca cu nunca a bisa cu un hende no lo fayece si e tuma e vacuna. E chens pa wordo interna den hospital y drenta ICU y/of fayece ta bira menos. Esey por wak den e datonan actual tambe.
Cada hende ta un individuo cu un sistema inmunologico diferente. Pesey no por trek un linea y bisa cu un situacion ta aplicabel pa tur persona, Sharline Koolman a enfatisa.
{gallery}Cerca esnan riba 65 anja, e booster-shot a yuda{/gallery}
