Celebracion di 200 aña di Oranjestad oficialmente ta 24 di Augustus venidero cu dos evento grandi

Anne Witsenburg, directora Fundacion Fondo di Monumento:

*Fondo di Monumento lo brinda un plataforma 

ORANJESTAD (AAN) – Dialuna a tuma lugar un conferencia di prensa na Renaissance Convention Center, den e cuadro di celebracion di preparacion pa e celebracion di 200 aña di Oranjestad.

Señora Anne Witsenburg, directora di Fundacion Fondo di Monumento Aruba, a duna informacion tocante e tema den entrevista cu DIARIO.

El a duna di conoce cu nan a extende un invitacion na hopi organizacion y comerciante (Stakeholders) pa nan wordo informa tocante e plannan di celebracion cu tin, pa e di 200 aña di Oranjestad.

E plannan ta encera dos evento grandi y un acto protocolar y Fundacion Fondo di Monumento mes ta ofrece un plataforma na cada un cu tuma iniciativa pa join e iniciativa aki, y comparti ideanan pa nan haya un plataforma cu duna oportunidad pa bay riba e agenda di Fondo di Monumento y nan calender, cu por distribui pa un y tur via social media y asina ta spera cu uni tur hunto pa celebra e di 200 aña di Oranjestad.

“E celebracion ta tuma un aña largo pa asina nos por duna un y tur oportunidad pa celebra na cada un su manera. Nos lo organiza dos evento riba dia 24 di Augustus di e aña aki, cu ta e fecha cu nos sa mas of menos, cu Oranjestad a haya su nomber 200 aña pasa.

Durante e aña por tuma lugar otro eventonan manera un ‘Open Monumenten Dag’ entre otro. Cualkier cos cu kier pone bao di e paraplu di 200 aña di Oranjestad y asina por join e celebracionnan, y den e otro aña den dia 23 nos lo cera full e lista I actividad cu un Concierto riba lama”, señora Witsenburg, directora di Fundacion Fondo di Monumento Aruba a indica. Esaki lo tuma lugar den Schoenerhaven, e area unda Oranjestad a origina, y cu ta e unico lugar den e ciudad unda lo por haya hopi hende riba boto den lama y na cant’i lama.