CEDE Aruba a lanza cu 11 Proyecto hunto cu 11 lider hoben

Den Pitch Time Bario Edition - ORANJESTAD(AAN): Diamars atardi na Cas di Cultura a tuma lugar e presentacion di e proyecto Pitch Time, cu a sigui apesar di e cu Covid 19 a trece cu ne.

   Durante e conferencia di prensa Elsa Krozendijk di CEDE Aruba a splica cu e proyecto aki di CEDE Aruba ta  dedica na forma lidernan hobennan den nos comunidad.

   “Bario Edition” ta un proyecto destina na hobennan entre 14-25 aña cu mester a traha un proyecto pa nan bario, cu ta proyectonan positivo y duradero”, segun Krozendijk.  Ta trata di un proyecto cu ta beneficia henter un bario cu ayudo di habitantenan mes.

   CEDE  Aruba a ricibi 20 proyecto di cual 15 lo mester a bay pa di dos ronde, pero cu tur e retonan presenta pa e pandemia a keda cu 11 proyecto hopi bunita cu a bay final.

Durante un fin di siman e fase di “Pitch bo proyecto” a tuma lugar den studionan di Aruba TV den partnership cu High Performance. Cada team a haya 10 min pa pitch nan proyecto y asina mira cua sponsor lo scoge nan pa haci nan proyecto bira un realidad. Alberto Groeneveldt como moderador a haci un trabou magnifico guiando e programa di 4 ora te final.

   DIARIO a compronde cu e proyectonan ta:

Wizz ‘U cationYouth leader: Giandra Erasmus   Distrito: Paradera.  Esaki ta un proyecto ta basa riba wiskunde online na Papiamento.  Sponser : Aruba Bank.

Parke Familiar Tanki Leendert Youth Leader: Abigail Lugo  Bario: Tanki Leendert

Projecto pa yuda drecha speeltuin y siña muchanan pa planta mata Sponser:Aruba Bank

Every Mind Matters  Youth Leader: Cindy Jansen    Bario : Sero Pita

Projecto ta pa traha support group pa hobennan entre 13-19 aña cu ayudo di profesional. Sponser : AAA ( Aruba Airport Authority).

Never Refuse to Reuse Youth Leader : Thailysha LeestDistrito : Noord

Projecto cu ta pa enfoca riba reciclahe di paña, plastic, tela etc den obranan di man. Pa yuda hobennan cu talento den arte. Sponser : AAA ( Aruba Airport Authority).

Elevate  Youth Leader : Angelo Dirksz   Distrito : Santa Cruz

Laga hobennan sinja e 3D printing haciendo workshops pa nan ta creativamente indepediente. Sponser: SETAR

E Curazon di Mabon  Youth Leader: Janchi Croes Bario : Mabon

Un proyecto cu a wordo presenta na e bario prome cu a mande pa pitch time, e necesidad cu e bario tin pa muchanan recrea y drecha diferente facildadnan. Sponser FCCA

B U   Youth Leader: Sue-Kayli Roosberg  Distrito: San Nicolaas.

Pa yuda muchanan di menos recurso cu paña den un forma diferente. Sponser : AAA

Skate Trailer   Youth Leader : Mick Henriquez  Districto : Noord

Projecto aki ta pa stimula y engrandece e deporte di skateboarding cu un rampa movibel pa siña muchanan chikito skate board di bario pa bario Sponser FCCA

Let’s Hike Aruba App  Youth Leader: Xanthe Piῆa  distrito : Savaneta

Traha un App cu tur e trails, mata, storia y historia di Aruba Sponser SETAR

Build to create  Youth Leader: Derson Lampe Bario : Seroe Patrishi

Un proyecto pa drecha cancha di futbol y pa pinta weganan popular pa muchanan mas chikito di bario y traha gazebo pa mayornan por sinta cu nan yiunan. Sponser : FCCA

Step It Up   Youth Leader : Rafael Garcia      Bario: Bushiri

Un projecto cu lo duna balor na e materia di Culturele en Kunstzinnige Vorming (CKV) enfocando riba expresion di arte atrabes di baile. Sponser : Aruba Bank

   Every Mind Matters y Step It Up ambos a ricibi for di huradonan 5.000 Florin extra pa nan projecto. Awor ta bay cuminsa cu ehecucion di cada projecto. Den Luna di November lo mira con henter e desaroyo aki a bay.

Pronto lo presenta cada projecto individual.

   Krozendijk na final a bisa cu CEDE Aruba ta sumamente orguyoso di e Youth Coachnan cu a traha hopi duru pa yuda e youth leaders  y nan team pa hinca nan proyecto den otro y awor pa nan haci nan realidad. Dia 6 di November lo presenta e showcase event di Pitch Time.