Merca a bolbe pone Aruba den cora
ORANJESTAD (AAN): Riba diamars, Centers for Desease Control and Prevention (CDC) a emiti un alerta pa loke ta e viahenan pa Aruba.
E alerta aki ta nifica cu awor Aruba ta den nivel cora. E color cora ta nifica e nivel 4: risico hopi halto.
Pesey CDC ta adverti esnan cu kier viaha pa Aruba pa evita nan viahe. Si nan mester viaha pa Aruba, mester percura pa ta totalmente vacuna.
Esaki sigur ta un golpi pa e turismo di Aruba mirando cu e isla ta den su 'high season'. Poco poco por mira cu mas y mas turista ta cancelando of posponiendo nan viahe pa Aruba pa motibo di e nivel di risico cual ta influencia hopi riba nan decision di efectua of no nan viahe.
Mirando e cantidad di casonan di diamars, cual ta un cifra record, esey sigur lo trece su consecuencia pa Aruba su turismo y sigur pa economia mirando e disminucion den e cantidad di turista.
