Categorianan di Import y Extreme Import lo ta den Dragrace local atrobe

ORANJESTAD (AAN): Diaranzon anochi, tanto Hubert Tiel como tambe Humphrey Kock a worde invita, pa ta den e programa di radio, dirigi pa Manuel da Silva y Urig Feliciano, atravez di Power FM.

   E tabata relaciona cu e desaroyo pa loke tabata e reunion cu a worde yama pa e doñonan di auto Import y Extreme Import.

   Durante di e programa, a splica e radio oyentenan, gran parti di loke  a worde treci dilanti den e reunion y cual puntonan lo worde presenta na ABM, pa asina proximamente e publico amante di e deporte di Drag Racing, por bolbe haya e satisfaccion di por mira e categorianan aki di Import y Extreme Import haci nan presentacion.

   Di algo ta sigur y esey ta cu na momento cu tur cos keda regla pa cu e categorianan aki, International Raceway Park Palo Marga, lo bay yena totalmente atrobe.

   Tambe durante di e entrevista aki, a worde treci dilanti, e re-aparicion di e categoria di Pro Bike y sin laga afo e categoria di Outlaw bike, cu tambe ta uno cu ta yama bon publico.